ക്രിസ്തുമസ് ആശംസകള്‍ !!!

കൂട്ടരേ, ഉറങ്ങാതിരിക്കൂ...
സമ്മാനങ്ങളുമായ്
സാന്റ നഗരത്തിലെത്തിയിട്ടുണ്ട് !!!

കൊച്ചി മറൈന്‍ഡ്രൈവില്‍ നടക്കുന്ന എക്സിബിഷന്‍ സ്റ്റാളിനു മുന്നില്‍ നിന്നൊരു ദൃശ്യം.

ഏവര്‍ക്കും എന്റെ ക്രിസ്മസ് ആശംസകള്‍ :)

ഈ ചിത്രത്തിന്റെ Exif Data ചുവടെ ചേര്‍ക്കുന്നു:

Camera : Nokia N73
Exposure : 0.066 Sec (33/500)
Aperture : f/2.8
Focal Length : 5.6 mm
ISO Speed : 250
Flash : Flash fired
Shutter Speed : 3921/1000

ഹില്‍ പാലസ്

Flickr Explore ലേയ്ക്ക് തിരഞ്ഞെടുക്കപ്പെട്ട മറ്റൊരു ചിത്രം.

കൊച്ചിയുടെ രാജനഗരിയായ തൃപ്പൂണിത്തുറയില്‍ സ്ഥിതി ചെയ്യുന്ന ‘ഹില്‍പ്പാലസ്’.

ഒരിക്കല്‍ കൊച്ചി രാജകുടുംബത്തിന്റെ ഔദ്യോഗിക വസതിയായിരുന്ന ഈ കൊട്ടാരം നിര്‍മ്മിച്ചത് 1865 ലാണ്.

Camera: Nokia N73

Exposure: 0.01 sec (1/100)

Aperture: f/2.8

Focal Length: 5.6 mm

ISO Speed: 100

കുട്ടനാടന്‍ പ്രതിഫലനം

ഫ്ലിക്കര്‍ എക്സ്പ്ലോറിലേയ്ക്ക് ( Flickr - Explore / Interestingness / Last 7 Days ) തിരഞ്ഞെടുക്കപ്പെട്ട ചിത്രം.

സ്ഥലം : മങ്കൊമ്പ്, കുട്ടനാട്, ആലപ്പുഴ

കാമറ : Nokia N73

ചലിക്കുന്ന ഒരു ബോട്ടില്‍ കുട്ട‘നാടന്‍’ ബോട്ടിലുമായിരുന്ന് അലസമായ് എടുത്ത ഒരു ചിത്രമാണിത്.

ഹൊ! കിട്ടിപ്പോയ് പൂര്‍ണ്ണചന്ദ്രനെ...

ഇന്നലെ രാത്രി എന്റെ മട്ടുപ്പാവ് ഞാന്‍ പരീക്ഷണങ്ങളുടെ ഒരു താവളമാക്കി മാറ്റി. വേറെ പ്രത്യേകിച്ചൊരു പണിയില്ലാതിരുന്നത് കൊണ്ടും എന്റെ പ്രിയപ്പെട്ട മൂണിയുടെ ഒരു പടം പിടിക്കണം എന്നത് വളരെക്കാലമായുള്ളൊരു മോഹമായതു കൊണ്ടുമാണ് ഞാന്‍ ഈ ഉദ്യമത്തിന് മുതിര്‍ന്നത്.

ഒരു ഡിജിറ്റല്‍ കാമറയില്ലാതെ ഒരു ട്രൈപ്പോഡ് ഇല്ലാതെ ഒരു ബൈനോക്കുലറിന്റെയും (Sestrel Arctic, 7 x 50 Field 6.8") എന്‍-73 യുടേയും സഹായത്തോടെയാണ് ഈ പടം എനിക്കെടുക്കാനായത്. എന്‍-73 യുടെ ഒരു പ്രധാന പ്രശ്നം നൈറ്റ് ഷോട്ടുകളാണ്. രാത്രിയില്‍ കാമറയും തുറന്ന് നില്‍ക്കുമ്പോളതാ grains കളുടെ നിലയ്ക്കാത്ത പ്രവാഹമായ്... RGB മോഡില്‍ ഈ പ്രശ്നം പൊതുവേ ഉള്ളതിനാല്‍ ഈ ഷോട്ട് എടുക്കാന്‍ ബ്ലാക്ക് & വൈറ്റ് മോഡാണ് ഉപയോഗിച്ചത്.


Canon PowerShot S5IS ല്‍ എടുത്ത ചിത്രങ്ങള്‍ക്കായ് ഫ്ലിക്കറില്‍ പരതിയപ്പോള്‍ അക്കൂട്ടത്തില്‍ ഇതുപോലുള്ള കുറച്ച് ചിത്രങ്ങള്‍ കണ്ടിരുന്നു. ആ പോയിന്റ് & ഷൂട്ട് കാമറയുടെ ഒപ്റ്റിക്കല്‍ സൂം 12x ആണ്. ഇന്നലെ പൂര്‍ണ്ണചന്ദ്രനെ കണ്ടപ്പോള്‍ എനിക്ക് തോന്നി എന്തു കൊണ്ട് ബൈനോക്കുലര്‍ ഉപയോഗിച്ച് പൂര്‍ണ്ണചന്ദ്രനെ കാമറയില്‍ പകര്‍ത്തിക്കൂടാ...


എന്നെക്കൊണ്ട് ഇത്രയൊക്കെയേ പറ്റൂ... :)

എന്താ ഇന്നത്തെ സ്പെഷ്യല്‍ ?

കൊച്ചി: മട്ടാഞ്ചേരിയിലെ ഒരു ചായക്കടയാണ് ചിത്രത്തില്‍ കാണുന്നത്. ‍ഈ ചായക്കടയിലെ ഒരു സ്ഥിരം സന്ദര്‍ശകയാണത്രേ ഈ അമ്പലപ്പശു. തൊട്ടടുത്തുള്ള ആനവാതില്‍ അമ്പലത്തിലെ അന്തേവാസിയാണ് കക്ഷി.

നല്ല രസകരമായ അടിക്കുറിപ്പുകള്‍ വല്ലതും സ്റ്റോക്കുണ്ടെങ്കില്‍ പോരട്ടേ കൂട്ടരേ :)

(ചിത്രം - കടപ്പാട് : ബിജു, തലക്കെട്ട് - കടപ്പാട്: ഇറ്റ്സ് മീ)

ബ്യൂട്ടി - എന്റെ പാരക്കീറ്റ്

ഇന്നലെ വരെ ഞാന്‍ വിചാരിച്ചിരുന്നത് ഇവള്‍ പാരട്ട് (Parrot) വര്‍ഗ്ഗത്തില്‍പ്പെട്ടവളെന്ന്. പക്ഷെ, ഈ ചിത്രം ഫ്ലിക്കറില്‍ പോസ്റ്റ് ചെയ്തപ്പോള്‍ ശാസ്ത്രജ്ഞനായ നസീര്‍ ഒമ്മര്‍ എന്നെ തിരുത്തി. ഇത് ഒരു പാരട്ട് അല്ല, പാരക്കീറ്റ് (Parakeet) ആണെന്ന്. ഇന്ത്യയില്‍ പാരട്ട് ഇല്ല പാരക്കീറ്റുകളേ ഉള്ളൂ എന്നാണ് അദ്ദേഹം പകര്‍ന്നു തന്ന അറിവ്. ഇത്തരം പാരക്കീറ്റുകളുടെ വിളിപ്പേര് - റോസ് റിങ്ഡ് പാരക്കീറ്റ് (Rose Ringed Parakeet). ഇതിനെ മലയാളത്തില്‍ എന്താണ് വിളിക്കുന്നതെന്ന് യാതൊരു രൂപവുമില്ല. അറിയാവുന്നവര്‍ കമന്റായി ഇടുമെന്ന് പ്രതീക്ഷിക്കുന്നു.

പുതിയ ഒരു അറിവ് പകര്‍ന്നു തന്നതില്‍ നസീര്‍ സാറിനോടുള്ള നന്ദി ഇവിടെ അറിയിക്കുന്നു.

:)

സ്മാര്‍ട്ട് കൊച്ചി

ഇന്ന് 2007 നവംബര്‍ 16. ഉച്ചതിരിഞ്ഞ് 2 ന് ബഹു. കേരള മുഖ്യമന്ത്രി ശ്രീ വി. എസ്. അച്യുതാനന്ദന്‍ സ്മാര്‍ട്ട് സിറ്റിയുടെ ശിലാസ്ഥാ‍പന കര്‍മ്മം നിര്‍വ്വഹിച്ചു. കാക്കനാട് ഇന്‍ഫോപാര്‍ക്കിന് സമീപത്ത് ഇടച്ചിറ തോടിനപ്പുറമുള്ള 234 ലേറെ ഏക്കറാണ് ഇതിന് വേണ്ടി അക്വയര്‍ ചെയ്തിരിക്കുന്നത്.

അഴകുള്ള പൂമ്പാറ്റ

ശ് ശ് ശ്... ഞങ്ങളുടെ ഓഫീസിന്റെ വാഷ് റൂമിലെ വാഷ്ബെയ്സിനു മുന്നിലുള്ള വലിയ കണ്ണാടിയില്‍ സ്വന്തം ഭംഗി ആസ്വദിച്ച് സ്വയം മറന്നിരുന്ന ഈ വെളുത്ത് കൊലുന്നനെയുള്ള പൂമ്പാറ്റക്കുട്ടിയെ കണ്ടപ്പോള്‍ എല്ലാവരുടേയും കീശകളില്‍ നിന്നും മൊബൈലുകള്‍ പ്രത്യക്ഷപ്പെട്ടു. പിന്നെ കാമറയുടെ ഫ്ലാഷുകളള്‍ ചറപറ മിന്നി. എന്നിട്ടും ഈ സുന്ദരിക്കുട്ടി തന്റെ ഇരിപ്പിന് മാറ്റം വരുത്തിയില്ല. യാതൊരുവിധ ഭാവഭേദവുമുണ്ടായില്ലെന്ന് മാത്രമല്ല, “എന്നെ ഒന്ന് വെറുതെ വിഡഡൈ” എന്ന് മൊഴിഞ്ഞ് ജാഢ കാണിച്ച് പറന്നകന്നതുമില്ല.

പക്ഷെ, ജന്റ്സിന്റെ വാഷ് റൂമില്‍ ഇവള്‍ക്കെന്ത് കാര്യം?

ഓ ചുമ്മാ! ഇതു പാവം കുഞ്ഞൊരു പൂമ്പാറ്റക്കുട്ടിയല്ലേ...

ചില്ലുജാലകത്തിലെ പ്രതിഫലനം

‘ഗോകുലം പാര്‍ക്ക് ഇന്‍’ ന്റെ ആ വലിയ ചില്ലുജാലകത്തില്‍ അസ്തമയം പ്രതിഫലിച്ചപ്പോള്‍...

മുത്തൂറ്റ് ടവേഴ്സ്

കൊച്ചിയില്‍ കലൂരില്‍ ബസ്സ് ബേയുടെ സമീപം സ്ഥിതി ചെയ്യുന്ന മുത്തൂറ്റ് ഗ്രൂപ്പിന്റെ ‘മുത്തൂറ്റ് ടവേഴ്സ്’ ‘ഗോകുലം പാര്‍ക്ക് ഇന്‍’ ല്‍ നിന്നും...

കേരളത്തിലെ ഏറ്റവും ഉയരം കൂടിയ കെട്ടിട സമുച്ചയമെന്ന് പറയപ്പെടുന്ന ഈ ടവറിന് 22 നിലകളാണുള്ളത്.

ദി പെയിന്റിംഗ്

ചിത്രരചന - ഒരു നിശബ്ദ കവിതയെങ്കില്‍,
കവിതയോ വാക്കുകള്‍ കൊണ്ടൊരു ചിത്രവും!

പായസവും ഡെസ്സേര്‍ട്ടും

ഇവ രണ്ടും ദേ ഇതുപോലെ നിങ്ങള്‍ക്ക് മുന്നില്‍ വെച്ചാല്‍ ആദ്യം ഏത് നുണയും???

പായസമോ? അതോ ഡെസ്സേര്‍ട്ടോ?

മറ്റൊരസ്തമയം കൂടി

കൊച്ചിയിലെ “ഗോകുലം പാര്‍ക്ക് ഇന്‍” ല്‍ നിന്നൊരു അസ്തമയ ദൃശ്യം ജനല്‍ച്ചില്ലുകളിലൂടെ...

ഡെഫിനിറ്റ്ലി മെയില്‍

എന്റെ പുലി, പള്‍സര്‍ :)

പ്രസിദ്ധ ഹൈദരാബാദ് ബ്ലോഗ്ഗര്‍ ബിരിയാണിക്കുട്ടിയുടെ ഗിഫ്റ്റായ കീ ചെയിനും ചിത്രത്തില്‍ കാണാം. കൊച്ചിയില്‍ നടന്ന ആദ്യ കേരള ബ്ലോഗ്ഗേഴ്സ് മീറ്റില്‍ പങ്കെടുത്തവര്‍ക്ക് വിതരണം ചെയ്തതാണീ കീ ചെയിന്‍.

മൂന്നാര്‍ ഓര്‍മ്മകള്‍ - 1

ഇത് മാടുപ്പെട്ടി തടാകം. മൂന്നാറില്‍ നിന്ന് വെറും 15 കി.മീ. മാത്രം. തൊട്ടപ്പുറത്ത് തന്നെയാണ് ബ്രിട്ടീഷുകാര്‍ പണിത മാടുപ്പെട്ടി ഡാം. മൂന്നാറിലെ ഒരു പ്രധാന വിനോദസഞ്ചാര കേന്ദ്രമാണിത്. ഇടുക്കി ഡി.റ്റി.പി.സി ഇവിടെ ബോട്ടിംഗിനുള്ള സൌകര്യങ്ങള്‍ ഏര്‍പ്പെടുത്തിയിട്ടുണ്ട്.

എവിടെ ആ പൂര്‍ണ്ണചന്ദ്രന്‍ ???

2007 ലെ ഏറ്റവും വലിപ്പമേറിയതും തെളിച്ചമേറിയതുമായ പൂര്‍ണ്ണചന്ദ്രന്‍ എന്റെ കുഞ്ഞുകാമറയില്‍ പതിഞ്ഞപ്പോള്‍... :P

പഴങ്ങാട് പള്ളി

450 വര്‍ഷത്തിലേറെ പഴക്കമുള്ള പഴങ്ങാട് പള്ളി.

ഈ പൈതൃക ദേവാലയം കൊച്ചിയിലെ ടൂറിസ്റ്റ് വില്ലേജായ കുമ്പളങ്ങിയില്‍ സ്ഥിതി ചെയ്യുന്നു.

പുലരിയോ തൃസന്ധ്യയോ

പുലരി തന്നെ.

സമയം 6:12.

ദിവസങ്ങളോളം തിമിര്‍ത്ത് പെയ്ത മഴ ഇന്ന് മാറിനിന്നപ്പോള്‍...

ഓഫീസ് ജാലകത്തിലൂടെയുള്ള കാഴ്ച...

വെള്ളച്ചാട്ടം

വെള്ളം ചാടുന്നതിനെയല്ലേ വെള്ളച്ചാട്ടം എന്ന് വിളിക്കുന്നത്. അപ്പോള്‍ ഇതും ഒരു വെള്ളച്ചാട്ടം തന്നെ. എപ്പോള്‍, എവിടെ, എന്ത് എന്നൊക്കെ കാണുന്നോര്‍ തീരുമാനിക്കട്ടേ അല്ലേ?

പൊന്‍പുലരി

സൃഷ്ടാവിന്‍ കരങ്ങള്‍ തീര്‍ത്തയീ-

വര്‍ണ്ണഭേദങ്ങള്‍ക്കെന്തൊരു ചന്തം, ഹാ!

തലയെടുപ്പോടെ മലനിരകളും

താഴെ, പതഞ്ഞുകിടക്കുമൊരു

തടാകം പോല്‍, മൂടല്‍മഞ്ഞും...

തിരുവോണമഴ

അത്തം വെളുത്താല്‍

ഓണം കറുക്കുമെന്ന്

പഴമക്കാര്‍ പറയുന്നത്

വെറുതയല്ല കൂട്ടരേ!!!

ഉത്തരം = തിരമാലകള്‍

കഴിഞ്ഞ പോസ്റ്റില്‍ ഞാന്‍ ചോദിച്ച ചോദ്യത്തിന്റെ ഉത്തരംമാണീ പോസ്റ്റ്.

വേലിയേറ്റ സമയത്ത് ആ 6 അടിയിലേറെ ഉയരമുള്ള കടല്‍ഭിത്തിയെ മറികടന്ന് ഇപ്പുറം ആഞ്ഞടിക്കുന്ന കൂറ്റന്‍ തിരമാലകള്‍ തന്നെ. മഴക്കാലത്ത് മുട്ടറ്റമോ അതിലേറെയോ സമീപത്തുള്ള റോഡിനെ വെള്ളത്തിനടിയാക്കുന്നു ആ തിരമാലകള്‍. സമീപ പ്രദേശത്തുള്ള വീടുകളിലെ ജനങ്ങള്‍ നെഞ്ചില്‍ ഭീതിയുടെ നെരിപ്പോടുമായാണവിടെ വസിക്കുന്നത്. ഞാന്‍ ഈ ചിത്രങ്ങളെടുക്കുന്ന സമയത്ത് തന്നെ തിരമാലകള്‍ കലിപൂണ്ട് ഇപ്പുറത്തേയ്ക്കാഞ്ഞടിക്കുന്നുണ്ടായിരുന്നു. കൂറ്റന്‍ തിരമാലകള്‍ ആ കരിങ്കല്‍ ഭിത്തിയില്‍ വന്നിടിക്കുമ്പോഴുണ്ടാകുന്ന ശബ്ദം ഭയാനകമായിരുന്നു. അന്നെടുത്ത ചില ചിത്രങ്ങള്‍ ഇവിടെ പങ്കുവയ്ക്കുന്നു.

തുടക്കം ഇങ്ങനെ...അപ്പുറം ആര്‍ത്തലയ്ക്കുന്ന തിരമാലകള്‍. കാതടപ്പിക്കുന്ന ഭയാനകമായ ശബ്ദവും. എങ്കിലും അപ്പുറത്തെ കാഴ്ച എങ്ങനെയെന്നറിയാനുള്ള ത്വര...

കരിങ്കല്‍ഭിത്തിയില്‍ വലിഞ്ഞു കേറിയാലോ...എന്ന് ചിന്തിച്ച് നില്‍ക്കവേ ദാണ്ടേ ഒരു കൂറ്റന്‍ തിര ഭിത്തിയേയും കടന്ന് ഇപ്പുറത്തേയ്ക്ക്... വലിഞ്ഞു കയറല്‍ എന്ന ഐഡിയ ഡ്രോപ്പാന്‍ മറ്റെന്തു വേണം?

എങ്കില്‍പ്പോട്ടെ ദോണ്ടേ ദീ സൈഡീന്ന് കയറാമെന്ന് വച്ച് ദിങ്ങോട്ട് നടന്നപ്പോ ദവിടേം...
ഒരു വീടിന്റെ മതിലില്‍ കയറി നിന്ന് നോക്കി. അറ്റ്ലീസ്റ്റ് ഇവിടെ നിന്നെങ്കിലും കടല്‍ കാണാല്ലോ!

ഇവനിതെപ്പോ കയറിയോ ആവോ! മുകളിലേയ്ക്ക് കയറുവാന്‍ ഒരു ഗ്യാപ്പന്വേഷിച്ച് ഞാന്‍ അങ്ങോട്ടുമിങ്ങോട്ടും ഉലാത്തുന്ന സമയത്ത് പഹയന്‍ മുകളില്‍ കയറി ഇരിപ്പുറപ്പിച്ചതാവണം.

ഹിഹി...ഞാന്‍ വലിഞ്ഞ് പിരണ്ട് മുകളിലേയ്ക്ക് ഒറ്റ കേറ്റം വച്ച് കൊടുത്തു. ഹല്ല പിന്നെ! ക്ഷമിക്കുന്നതിനൊക്കെ ഒരതിരില്ലേ. ഏയ്... കൂട്ടുകാരന്‍ ആദ്യം കയറി ധൈര്യം കാണിച്ച് തന്നതു കൊണ്ടൊന്നുമല്ല. അങ്ങനെ മാത്രം പറയല്ലേഷ്ടാ. :) തിരവര്വോ വരാതിരിക്ക്വോ... വരുന്നതിന് മുമ്പ് ക്ലിക്കി ഈ ചിത്രം.

ഇടയ്ക്കൊരു തിര എന്നെ മറികടന്നു പോയെങ്കിലും ഞാന്‍ പതറിയില്ല... ;) സുഹൃത്ത് തൊട്ടപ്പുറത്ത് തന്നെയുണ്ടല്ലോ. ഈ പടം ക്ലിക്കിയതിനു ശേഷം ഞാന്‍ തിരിഞ്ഞു അവനോട് ചോദിച്ചു... “ഡാ, നീ നനഞ്ഞോ? എന്റെ കുര്‍ത്ത അപ്പിടീം നനഞ്ഞു.” പക്ഷെ, അതിന് മറുപടി പറയുവാന്‍ അവനവിടെയുണ്ടായിട്ട് വേണ്ടേ?! അവന്‍ താഴെ ലോണ്ടെ ലവട ഒരു തെങ്ങിന്‍ ചോട്ടില്‍ നിക്കണു! ഒരു വിറയല്‍ അനുഭവപ്പെടുന്നുണ്ടോ? ഏയ്.. ഒരിക്കലുമില്ല, നനഞ്ഞതിന്റെയാ, പിന്നെ കാറ്റുമുണ്ടല്ലോ. എങ്കിലും പിന്നെയവിടെ ഒറ്റയ്ക്ക് നിന്ന് ബോറടിക്കാന്‍ ഒരുങ്ങാതെ ഞാന്‍ ‘മെല്ലെ’ താഴേയ്ക്കിറങ്ങി...

ഭിത്തിയുണ്ട്! ഭീതിയും!

രാത്രിനേരത്ത് ആറടിയിലേറെ ഉയരമുള്ള ഈ ഭിത്തിയും മറികടന്ന്...

അതെ! വരാറുണ്ടെന്നാണിവിടുള്ളോര്‍ എന്നോട് പറഞ്ഞത്!

ആരു വരുന്ന കാര്യമെന്നറിയുമോ കൂട്ടരേ???

തിത്തിത്താര തിത്തിത്തെയ്...

...തിത്തെയ് തക തെയ് തെയ് തോം !!!

ഇന്നലെ, അത്തം ദിനത്തില്‍ കൊച്ചിയിലെ

ചമ്പക്കരക്കായലില്‍ നടന്ന വള്ളംകളിയില്‍ നിന്നൊരു ദൃശ്യം...

വിന്‍ഡോസ് - ഓള്‍ഡ് വേര്‍ഷന്‍

ഈ വിന്‍ഡോസ് ഏതു വേര്‍ഷന്‍???

...ഓഹ് അല്ല !

ഏതു വര്‍ഷത്തെ മോഡല്‍ ???

ബൈ + എന്‍

= ബൈന്‍ :)

ഒരു പരീക്ഷണം. ഇങ്ങനെ ഒരു ഔട്ട് പുട്ട് കിട്ടിയപ്പോള്‍

ഇവിടെ ഒന്ന് പങ്കുവെച്ചേക്കാം എന്ന് കരുതി.

കൊച്ചിയില്‍ കലൂര്‍ ബസ്ബേയ്ക്ക് സമീപം

സ്ഥിതി ചെയ്യുന്ന മുത്തൂറ്റ് ഗ്രൂപ്പിന്റെ

‘ടെക്നോപൊളിസ്’ എന്ന കെട്ടിടമാണ്

ചിത്രത്തില്‍ കാണുന്നത്. കേരളത്തിലെ ഏറ്റവും

ഉയരം കൂടിയ കെട്ടിടമാണിത്. 22 നിലകള്‍.

ഒരു ചോദ്യം : എങ്ങനെയാണീ ചിത്രം എടുത്തത്? ഓര്‍,

എന്താണ് ഈ ചിത്രമെടുക്കാന്‍ സഹായകമായത്?

ക്ലു ഒന്നും തരാന്‍ എനിക്ക് അറിയില്ല.

എങ്കിലും ടൈറ്റിലില്‍ത്തന്നെയൊരു കുളു കിടപ്പുണ്ട്.

നമ്രവദന...സുന്ദരി

മോഡല്‍ : സുസ്മിത

ഈ ചിത്രം കണ്ടിട്ടെന്തു മനസ്സിലായി ???

;)

ഇതാ, ഒരു സുപ്രഭാതം...

... പൊട്ടിവിടര്‍ന്നു!!!

ജൂണിലെ ഒരു തണുപ്പില്ലാത്ത പ്രഭാതം.

സമയം 6:17. നൈറ്റ് ഷിഫ്റ്റ് കഴിഞ്ഞ്

പുറത്തിറങ്ങുമ്പോള്‍ ആകാശത്ത്

ആദിത്യന്റെ ആദ്യകിരണങ്ങള്‍ പടര്‍ത്തിയ

നയനമനോഹരമായ മേഘവര്‍ണ്ണങ്ങള്‍ !!!

ഒട്ടും അമാന്തിച്ചില്ല, ക്ലിക്ക്...ഡ്

:)

ഒത്തുകിട്ടി, ഒരു അസ്തമയം

ഒരു സുഹൃത്തുമായ്‌ ബൈക്കില്‍ സഞ്ചരിക്കുമ്പോള്‍

ഒത്തുകിട്ടിയ ഒരു അസ്തമയ ദൃശ്യമാണിത്‌.

രാജനഗരിയായ തൃപ്പൂണിത്തുറയില്‍ നിന്നു കാക്കനാട്ടേയ്ക്കു

സീപോര്‍ട്ട്‌-എയര്‍പോര്‍ട്ട്‌ റോഡിലൂടെ വരുമ്പോള്‍

കളക്ടറേറ്റിനു മുന്നില്‍ വണ്ടി നിറുത്തി, വഴിയരുകില്‍

നിന്നെടുത്ത കുറച്ച്‌ സ്നാപ്പുകളിലൊന്ന്‌.

ഉന്നം പിഴച്ചെങ്കിലും...

... വെളിച്ചത്തിന്റെയും നിറങ്ങളുടെയും ആ സങ്കലനം ഈ

രൂപത്തിലായപ്പോള്‍ ഒരു ചന്തമൊക്കെയില്ലേ കാണുവാന്‍?

എന്താണു ഞാന്‍ ഉന്നം വെച്ചത്‌ ? എനി ഐഡിയാ ?

പിന്മൊഴിയും മറുമൊഴിയും ഒറ്റ ഫ്രെയിമില്‍

ഇരു ഫ്രെയിമിലും... ഒരേ മൊഴി !!!

ഇത്തിരിവെട്ടത്തില്‍

...കണ്ടു ഞാനൊരു കൊച്ചു പൂന്തോട്ടം

ഈ കുളിരും രാവില്‍ നീയൊരു

പൂര്‍ണ്ണചന്ദ്രികയായ് എന്‍ മാറില്‍ ചായൂ.

ബ്ലാക്ക് & വൈറ്റ്

ഫോട്ടോഷോപ്പില്‍ ക്രിയേറ്റ് ചെയ്തതല്ല.

ബ്ലാക്ക് & വൈറ്റ് മോഡില്‍ എടുത്തതല്ല.

പിന്നെ, എന്തിന്റെ ചിത്രമെന്ന് മനസ്സിലായോ?

ചരിത്രത്തില്‍ നിന്നും - 2

The daughter of an Indian maharajah seated on

a panther she shot, sometime during 1920s.

A British man gets a pedicure from an Indian servant.

The Grand Trunk Road, built by Sher Shah Suri,

was the main trade route from Calcutta to Kabul.

Here, transport leaves Ambala for Delhi.

A group of dancing girls. Dancing or nautch girls

began performing at courts around 1830. They were

known for their elaborate costumes and jewellery.

A rare aerial view of the president's palace and
the parliament building in Delhi, both designed
by architects Edwin Lutyens and Herbert Baker.

Women gather at a party in Mumbai (Bombay)
in 1910, a sign that women were very much
part of the social scene in many respects.

A group from Vaishnava, a sect founded by a
Hindu mystic. His followers are called
Gosvami-maharajahs and own several temples.

An aerial view of Jama Masjid mosque
in Delhi, built between 1650 and 1658 by
the Mughal emperor Shah Jahan.

The Imperial Airways 'Hanno' Hadley Page
passenger airplane carries the England to
India air mail, stopping in Sharjah to refuel.

(The pictures in this series appear in a new book, 'India Then and Now', by Vir Sanghvi and Rudrangshu Mukherjee, Roli Books, India. Picture courtesy: Roli Books)

പെയ്തൊഴിയാതെ

ചില മഴച്ചിത്രങ്ങള്‍